مرهقه..

عندي حاله غريبه
احساس بأن الكون كله ضدي
مش كله اوي يعني ..
بس اهم ناس في حياتي..
أهمهم..!!
مش هم في حد ذاتهم..
لا الظروف اللي بتمنع حد عن التاني
ليه وازاي..معرفش..

كل اللي اعرفه ان قوي الطبيعه بتشدني بشكل غريب
عشان ابعد عن كل حاجه
والواقع ف نفس الوقت بيدفعني للتواجد بشكل اغرب
التناقض بين الاتنين عامللي ارهاق 

عندي احاسيس كتير عكس بعض
احساس باني عايزه اكسر كل الفوضي دي
واحساس اكبر اني عايزه اختفي..

أرق..

 












هي الفكره اللي مش بتخلي الواحد ينام دي نوعها ايه؟؟
فكره صعبه؟
ولا مجرد لعبه؟


حاجه متعبه؟؟
مؤنبه؟؟؟


جميييييله؟؟
ومن كتر جمالها صعب تغمض عينيك؟؟


غامضه وغموضها يدوخ؟؟
ولاذكري تسّهر وتجرح؟؟
حاجه ممسوكه..؟
محسوسه؟؟
ايه الفكره اللي تطير النوم من عينيك؟
ايه الفكره اللي بتنتصر علي قوي الطبيعه
ايه اللي ينسي الجسم ان دلوقتي معاد نومه..
تخليه يتجاهل تعب اليوم..
وتقرر بكل قوه..
انه لازم يسهر
ويفكر
ويستحمل تعب اضافي...
مجرد التفكير في نوع الفكره وتفاصيلها
هو في حد ذاته فكره..
دعوه للمزيد من الارق..