السبت، 15 مايو، 2010

أخدت نَفَسِي


تعرف..


انك أول حد يهزلي قلبي..
من فتره كبيره محستش الإحساس ده
يااااااااااااه


من أول مره سمعت صوتك..


من قبل ما أشوفك..


وبعد ما عرفتك..


فيك حاجه غريبه..


حاسه إني أخيراً خدت نفسي..
كنت بنهج
كنت قلقانه وحيرانه ومرتبكه وماشيه ببص حواليا
كنت بنام بنص عين..ونص عقل..وقلبي صاحي..
علي طول صاحي..
بيدق..بيدوّر..بيفكر..
راحه البال بالنسبالي كانت كلمه من لغه أجنبيه
وانا مش بتكلم غير عربي..
وبالعربي هقولك


كان بقالي سنين بدور عليك..


مش هتكسف


أول ما اشوفتك


زي ما أكون كنت تايهه وسط غربه وأخيراً لقيت حد أعرفه


كنت عايزه أترمي ف حضنك وأعيط أوي..


وبعدها أموت م الضحك وأفرح أوي لما ألمسك..أتأكد أنك حقيقي..


أخيراً لقيتك..

كنت واحشني أوي..أوي

هناك تعليق واحد:

  1. كان بقالي سنين بدور عليك..


    مش هتكسف


    أول ما اشوفتك


    زي ما أكون كنت تايهه وسط غربه وأخيراً لقيت حد أعرفه


    كنت عايزه أترمي ف حضنك وأعيط أوي..





    ياخبررررررررررررررر يابنت يا مبدعة
    اعمل فيكى ايييييه
    بحبك خدى بووووسة
    بجد بجد عمرى ماقرتلك حاجة مش روعة وبتاخدنى من نفسى

    ردحذف