الجمعة، 22 يناير، 2010

6 الصبــــــــــــــــــح


هدوء بعد صلاه الفجر
السلام الكوني..
مزيكا هاديه من صوت الاذان
واحلي كلام تسمعه من القران ..

احساس بالراحه بعد الصلاه
وشعور بنضاره من الوضوء..
اصوات تسبيح الكون
مع صوت الشجر

وزقزقه العصافير اللي بتصحي بدري

الجو المليان بقطرات الندي..
نفس ريحه جذع الشجره المبلول من المطره
وريحه الشوارع المغسوله بعد ليل طويل
والحركه القليله ف الحواري الضيقه
القمر اللي ظاهر مكسوف ف السما قبل ما يمشي
والشمس بدأت تظهر عشان تيجي تنور الدنيا

كل حاجه ف الكون نقيه..
كأن كل الذنوب اتمسحت
والارض استعدت لاستقبال يوم جديد..
الساعه 6 الصبح ..

ليست هناك تعليقات:

إرسال تعليق