الاثنين، 19 أبريل، 2010

بحبهم..

عندي شويه اصحاب ربنا يخليهم بجد
جدعان جدا..طيبين اوي..دمهم خفيف موت..
شويه بنات الواحده فيهم ب 100 راجل
لاخليهم 150
بحب شقاوتهم..رخامتهم..عنادهم..وحبهم لبعض..
أول حد بلاقيه واقف معايا ف أي وقت وف أي موقف..


بسنت وذكريات أربع سنين كليه..من أول تيرم وأول لجنه وأول سيكشن مع بعض..أول تدريب..أول خناقه..أول محاضره..أول أصحاب مشتركين..أول واحده كانت بتروح بين المحاضرات..وأول واحده راحت اشتغلت ف المسرح وبقت ترجع بالليل متأخر..أول واحده تشوفها بتضحك تروح ضاحك من غير ما تعرف ليه..أول واحده تقريبا بتحب عسيلي وحسام غالي..أول واحده ف اخواتها..أول كل حاجه مع بعض..


ياسو ..جيسي..يعني هواره..وذئاب الجبل ذئب ذئب..البت دي طيبه طيبه الابل..وحنينه حنيه الابل..يعني الارجنتين الشقيقه وكل حاجه لما بتحصلنا احنا الاتنين زي بعض بالظبط..يووووووووووه أممكن


مي..ورغم كل الصورالclose  اللي بتصورهالنا ..بس جدعه جدا مي من الناس اللي من الوهله الاولي تعتقد ان ملهاش غير ف المحاضرات وبس..بعد كده بتكتشف ان ليها ف كل حاجه الا المحاضرات..:D
 اخر واحده تنزل من لجنه الامتحان..ومعندهخاش غير رد واحد علي كل الاسئله..طيب طيب طيب


ساره اللي بتفتح كاميرا الموبايل اللي قدام وتقعد تصورنا صور عجيبه واحنا ف السيكشن..ولما الدكتور تاخد بالها تروح تبصلي انا وساره تعمل من بنها..واحنا نازلين من نفس السيكشن تلاقي واحده بتقول..يارب نقع كلنا..
رغم كل مقالب ساره وخفه دمها..إلا انها بتحس..ساعات بحس ان البت دي من كتر ما بتحس مش بتحب تبين..الله اعلم 

هوباااااااا..هبه ..يعني الجدعان اوي..يعني ولاد البلد اوي..يعني الناس الجامدين جدا..يعني أول حد تلاقيه واقف جنبك بكل جدعنه من غير ما تعرف ليه..يعني الكرامه....يعني الدماغ الجامده اللي مبتعرفش تطلع حاجات ع الورق ..يعني الضحكه اللي بتطلع روحها ..يعني حاجات كتير اوي..والناس الحلوه اللي قاعدين في الفرح..




غاده..غادت..ولأنها غادت..خلت مصر كلها تقولي يا بسمت..تستمتع بالرخامه..تستمتع بالرخامه..لأ وغير كده..تستمتع بالرخامه

روغا..رغده..الصحفيه اللي بتتشعلق ف أي مكان ولا بيهمها..البت اللي تعرفها من صوتها لو وسط ألف حد..البت اللي كل ما اشوفها افتكر محمد هنيدي..العفريت جاب الطول ده كله منييييييييييييييين؟؟


أنجل..أو اسماء..لسه عارفاها قريب مع اني كنت عارفاها من زمان ..بس اول مره نتكلم قريب..شكلها هتنضم للأرجنتين..البت دي بتحس..ومن الناس اللي احساسها بيتعبها..بس اكيد الاحساس ف حد ذاته متعه..


داليا اللي كل ما اشوفها تقولي مبتسأليش ليه..ولما أسأل غالبا بيطلع في ماتش وتقولي جيتي ف وقت غلط..طب أعمل ايه هي كل حياتها النادي الاهلي..وانا اهلاويه اه بس مش إدمان يعني..علي قد ما بتخنق من ان اهتماماتها كوره ..بس متأكده انها ممكن تعمل بيها حاجه مميزه..





علياء..لول..جدعه جدا بس محتاجه تركز..في ايه معرفش بس تركز وخلاص..مبشوفهاش غير ف استاتيوهات..يا ع الاهلي يا تريكه ..ليه متعملش رابطه هي وداليا وخلاص؟


رنا..جدعه جدعه جدعه..وطيبه طيبه الابل..غير انها الراعي الرسمي للإبل في المنطقه..تعتبر أرق واحده فينا..معرفش ايه اللي جابها معانا بصراحه بس أهي بدأت يبان عليها علامات شراسه وبقت بترخم زينا
:D
أسمو..هاديه..رقيقه..بتحب..بجد




دينا..كل ما اشوفها بفتكر اغنيه ابو الليف اللي ساره بتسمعهالي غصب واقتدار..الاخت الفاضله اللي اختارتها علشان تتجوزني..في حد موقع بيننا في حد ممهمزني..لالا..صوت البنت بقي اللي ف الاول وطريقه كلامها
:D


ولاء ..يعني بنت المنطقه..ولود البلد..بتحبني معرفش ليه لله ف لله..وانا كمان بحبها معرفش ليه..غالبا الدم بيحن..لينا شويه مواقف مع بعض عسل بالذات واحنا مروحين ومش لاقيين مواصلات..بناخد بهدله للصبح..






ربنا يخليكوا ليا يارب ونفضل أصحاب علي طول
:)





هناك 4 تعليقات:

  1. جميل :)
    ربنا يخليكم لبعض دايماً يا بسمة

    ردحذف
  2. بزمة انا هاعيط

    بجد انا حبتنا والله

    الناس اللى يقروا من برة يقولوا ايه العساسيل دول وفجاه يتصدموا فينا

    بجد يا بزمت والله بجد ممممممممم معرفش بقى بس هو حاجة حلوة يعنى
    :)

    ردحذف
  3. بسمة انتى عسل اوى ..... وانا بحبناااااا اوووى يااااه
    :D
    بحس ان انتو كنز كده بجد والله ...وانا فى وسطيكوا بحس بحااجة جامدة اوى

    ردحذف
  4. بسمت يا بسمت
    مش معقووول مش عارفة مش عارفة
    :(:(:
    بس لعلمك انتى كدابة يا ابل الابل انتىانا كدة بس بس انت بتهملى ف حقى وبتخونينى يا خياينى يا خياينة
    يا غشاشة
    ان اغادت غادت تكتبى عنى سطرين بس بس
    يرضى مين ده
    يرضى ربنا يا شيخة حرام عليكى حرام عليكى
    هو عشان ليكى قرااايب مهمييين تقومى تعملى كدة فى الناس
    ده ربنا ميرضاش بالظبم ابدا نيهاهاهاهاهاهاهاهاه
    غادت تحيكم وترحب بكم
    التوقيع : غـــــــــــادت صبـــــــــــــــرى صديقتك الصدوقة الحبوبة العسولة اللى بتموتى فيها :D:D:D

    ردحذف