الأحد، 25 أبريل، 2010

مليت من الأعذار..

زهقت ..
من الأعذار..
من الإعتذار..
الاتنين واحد..
ممكن تعذر واحد ف تسامحه
وممكن حد يعتذرلك ف تسامحه برضو..
مزهقتش من التسامح
بس متضايقه من الناس اللي تدوس علي كل حاجه
وتيجي ترميلك كلمه..آسف..
قد إيه الكلمه دي بتبقي حلوه لما بتتقال ف وقتها..بإحساسها..
آسف إني زعلتك..مش معناها حاجه وحشه..
معناها مش  عايزك تزعل مني عشان انت غالي..
في حد يبقي غالي..وترميه؟؟!!

مره حد قاللي من فتره
علي فكره انتي عبيطه اوي
انا لو مكانك كنت عملت وسويت كذا وكذا وكذا..
إزاي تسيبي حقك؟
إزاي معرفش ايه..شويه الكلام بتاع التسخين ده..


لما فكرت فيها  لقيت إنها أسهل حاجه ف الدنيا
وأصعب حاجه ف الدنيا إنك تكبّر وتفوت
وتعدي وتقول معلش بكره يحس..
وحتي من غير ما يعتذر..تقول غلط صغير ومفيش فرق بيننا
يمكن لما يغلط ف حقي واسامح المره الجايه ياخد باله
مره واتنين وتلاته و100

بس الناس بتفهم بالعكس..
مبقتش بتعتذر..
وحتي لو بتعتذر ف سكوتها أحسن..
مليت من الأعذار..
مليت من معلش وعشان خاطري والمره دي بس وكل الكلام ده..

مليت من ناس..مبتحسش..








هناك تعليقان (2):

  1. بس الناس بتفهم بالعكس..
    مبقتش بتعتذر..
    وحتي لو بتعتذر ف سكوتها أحسن..
    مليت من الأعذار..
    مليت من معلش وعشان خاطري والمره دي بس وكل الكلام ده..

    مليت من ناس..مبتحسش..

    وانا كمان مليت والله :##

    نايس نوت يبنتى :)

    ردحذف