إبعدي..

الكلام ده لواحده مني قريبه

حنينه..رقيقه..طيبه ..

مش شرط هي مين..

مش لازم هي فين

مش لازم اسمها وعنوانها..

انا بديل ليها وانا هنا مكانها

عارفه انها بتحبني

اقرب حد ف وقت ضعفي..

بتشدني..

عشان في بيننا كتير من التشابهات

وكل حكايه بتتعاد بنفس المقاسات

خايفه عليكي من اللي بيا

مش هتستحملي اللي بيجرا ليا

أي جرح هاخده انا مكانك

وتفضليلي انتي تطبطبي عليا..

خليكي جوايا مستخبيه

زي ضهر العُمله ..متداريه

مش هتبقي عكسي..

انا عايزاكي ف صفّي..

تبقي زي مرايه ليا

عشان بحبك..إبعدي